ஊதியம், காலிப்பணியிடங்களை நிரப்புதல், அகவிலைப்படி உயர்வு உள்ளிட்ட 6 முக்கிய கோரிக்கைகளை நிறைவேற்றக்கோரி போக்குவரத்து தொழிற்சங்கங்கள் வேலைநிறுத்த போராட்டத்தில் ஈடுபட்டுள்ளனர். இதனால், வழக்கமாக இயங்கும் பேருந்துகளின் எண்ணிக்கை குறைந்ததால் பொதுமக்கள் அவதிக்குள்ளாகியுள்ளனர்.
இதுதொடர்பாக செய்தியாளர்களிடம் பேசிய ஹெச்.ராஜா, ’’போக்குவரத்து ஊழியர்களின் வேலை நிறுத்தால் மக்கள் மிகுந்த இன்னலுக்கு ஆளாகியுள்ளனர். தொழிலாளர்களின் நியாயமான கோரிக்கையை அரசு ஏற்றுக்கொண்டு போராட்டம் மேலும் தொடராமல் பார்த்துக் கொள்ள வேண்டும். தமிழ்நாட்டில் அடுத்த சில மாதங்களில், ஊழியர்களுக்கு சம்பளம் போட முடியுமா? என்ற சந்தேகமே எழுந்துள்ளது.
8 லட்சம் கோடி ரூபாய்க்கு மேல் தமிழ்நாடு அரசுக்கு கடன் இருக்கிறது. இதை சமாளிக்க நான் ஒரு ஐடியா சொல்கிறேன். அமலாக்கத்துறை விசாரணையில் இருக்கும் அமைச்சர்களின் சொத்துக்களை ஏலம் விட்டால் மொத்த கடனையும் அடைத்து விடலாம். மேலும், போக்குவரத்து தொழிலாளர்கள் உள்ளிட்ட எவ்விதமான பிரச்சனையும் இருக்காது’’ என்றார்.
