சென்னையை அடுத்த நீலாங்கரை அருகில் இருக்கும் அக்கரை சி.கிளப் அவென்யூ பகுதியில் வசித்து வருபவர் அபர் ஜிந்தால் (39). இவர் ஒரு மருத்துவர். சில தினங்களுக்கு முன்பு வீட்டை பூட்டிவிட்டு சொந்த ஊரான டெல்லி அருகே இருக்கும் நொய்டாவுக்கு குடும்பத்துடன் சென்றுவிட்டார்.
அதன் பிறகு நேற்று சென்னைக்கு திரும்பி வந்துள்ளார். அப்போது அவரது வீட்டின் பூட்டு உடைக்கப்பட்டு இருந்ததை பார்த்து அதிர்ச்சி அடைந்தார். வீட்டுக்குள் சென்று பார்த்தபோது, பீரோவை உடைத்து பீரோவில் இருந்த ரூ.35 லட்சம் மதிப்புள்ள தங்கம், வைரம், வெள்ளி பொருட்கள் மற்றும் ரூ.5 லட்சம் பணம் ஆகியவை திருடு போய் இருப்பதை பார்த்து அதிர்ச்சி அடைந்தார்.
இதுகுறித்து அபர் ஜிந்தால், கானத்தூர் காவல் நிலையத்தில் புகார் அளித்தார். அதன் அடிப்படையில் வழக்குப்பதிவு செய்த காவல்துறையினர் விசாரணை மேற்கொண்டு வருகின்றனர்.
