ரஷ்யாவின் தெற்கு பகுதியில் இருக்கின்ற தாகெஸ்தான் மாகாண தலைநகர் மாகாச்காலா என்ற பகுதியில், பெட்ரோல் பங்க் ஒன்றில் நேற்று இரவு வெடி விபத்து உண்டானது. இதில் 3 குழந்தைகள் உட்பட 30 பேர் உயிரிழந்திருக்கிறார்கள் அதோடு, நூற்றுக்கும் அதிகமானோர் காயமடைந்திருக்கிறார்கள்.
இதனை தொடர்ந்து, அந்த நகரில் அவசர நிலை பிரகடனப்படுத்தப்பட்டு இருக்கிறது. 250 க்கும் மேற்பட்ட தீயணைப்பு வீரர்கள் போராடி தீயை கட்டுக்குள் கொண்டு வந்திருக்கிறார்கள். இந்த தீ விபத்தில் படுகாயம் அடைந்த நபர்கள், விமானம் மூலமாக தீவிர சிகிச்சைக்காக மாஸ்கோ நகரத்திற்கு கொண்டு செல்லப்பட்டு இருக்கிறார்கள். விபத்துக்கான காரணம் உடனடியாக தெரிய வரவில்லை.
பெட்ரோல் பங்க்கின் எதிர்புறம் சாலை ஓரத்தில் கார்கள் நிறுத்தப்பட்டிருந்த பகுதியில், தீப்பிடித்து பெட்ரோல் பங்கில் தீ பறவையாக முதல் கட்ட தகவல்கள் கிடைத்திருக்கின்றன. கொழுந்து விட்டு எறிந்த தீயால், அந்த பகுதியே புகை மண்டலமாக காட்சி தந்தது. இந்த விபத்து தொடர்பாக விசாரணை நடைபெற்று வருவதாக அதிகாரிகள் தரப்பில் தெரிவிக்கப்பட்டுள்ளது.
