எட்டப்பர்களை வைத்து அதிமுகவை வீழ்த்த நினைத்தால் அது நடக்காது என எதிர்கட்சி தலைவர் எடப்பாடி பழனிசாமி கூறினார். அதிமுக பொதுக்குழுக் கூட்டத்தை நடத்த சென்னை உயர்நீதிமன்றம் அனுமதி அளித்ததைத் தொடர்ந்து சென்னை வானகரத்தில் கடந்த 11-ம் தேதி பொதுக்குழு நடைபெற்றது. நடந்த பொதுக்குழுவில், எதிர்க்கட்சித் தலைவர் எடப்பாடி பழனிசாமி இடைக்கால பொதுச் செயலாளராக தேர்வு செய்யப்பட்டார்.
மேலும் அங்கு இயற்றப்பட்ட சிறப்பு தீர்மானத்தின் மூலம் ஓ.பன்னீர்செல்வம் மற்றும் அவரது ஆதரவாளர்கள் கட்சியின் அடிப்படை உறுப்பினர் பொறுப்பில் இருந்து நீக்கப்பட்டனர். இந்நிலையில் இன்று விழுப்புரம் மாவட்டம் மரக்காணத்தில் நடைபெற்ற கட்சி நிர்வாகி இல்ல விழாவில் அதிமுக இடைக்கால பொதுச் செயலாளர் எடப்பாடி பழனிச்சாமி கலந்து கொண்டார்.
அவருக்கு அதிமுக தொண்டர்கள் உற்சாக வரவேற்பு அளித்தனர். இந்த நிகழ்ச்சியில் பேசிய நம்மிடத்தில் பழனிச்சாமி, எட்டப்பராக இருந்தவர்களின் முகத்திரை கிழிக்கப்பட்டுவிட்டது. எட்டப்பர்களை வைத்து அதிமுகவை, திமுக வீழ்த்த நினைத்தால் இனி அது நடக்காது. மேலும், அதிமுக தொண்டர்களால் உழைத்து உருவாக்கப்பட்ட கட்சி என்று பேசினார்.
