பள்ளி மாணவிகள் பலரை, பாலியல் பலாத்காரம் செய்ததாக அருணாச்சலப் பிரதேசத்தில் 50 வயது மதிக்கத்தக்க ஆசிரியர் ஒருவர் கைது செய்யப்பட்டு இருக்கிறார். இந்த சம்பவம் பெரும் பரபரப்பை ஏற்படுத்தியிருக்கிறது.
அருணாச்சலப் பிரதேசத்தில் இருக்கின்ற ஒரு தனியார் பள்ளியில், 50 வயது மதிக்கத்தக்க ஆசிரியர் ஒருவர், பல மாணவிகளை பாலியல் பலாத்காரம் செய்ததாக குற்றம் சுமத்தப்பட்டு, கடந்த ஞாயிற்றுக்கிழமை அதிரடியாக கைது செய்யப்பட்டதாக காவல்துறை தரப்பில் தெரிவிக்கப்பட்டது. இந்த குற்றம் தெரிந்த பின்னரும், பள்ளி நிர்வாகம் எந்த விதமான நடவடிக்கையும் மேற்கொள்ளாததால், பள்ளியின் முதல்வரும் கைது செய்யப்பட்டார் என்று மூத்த காவல்துறை அதிகாரி ஒருவர் கூறி இருக்கிறார்.
இந்த சம்பவம் குறித்து, காவல்துறையில் பெற்றோர்கள் வழங்கிய புகாரை அடிப்படையாக வைத்து, குற்றம் சுமத்தப்பட்ட ஆசிரியர் மற்றும் பள்ளி முதல்வரை காவல் துறையினர் கடந்த ஞாயிற்றுக்கிழமை அதிரடியாக கைது செய்ததாக காவல்துறை உயர் அதிகாரி ஒருவர் தெரிவித்துள்ளார். குற்றம் சுமத்தப்பட்ட நபர் 5 மற்றும் 6ஆம் வகுப்புகளில் இருக்கின்ற குறைந்தது இரண்டு அல்லது மூன்று மாணவிகளை பாலியல் பலாத்காரம் செய்ததாக சொல்லப்படுகிறது.
ஆகவே, அவர்கள் மீது போக்சோ சட்டத்தின் கீழ், வழக்கு பதிவு செய்யப்பட்டு, மகளிர் காவல் நிலையத்தில் விசாரணை நடந்து வருகிறது என்று கூறப்படுகிறது. சென்ற வருடம் நவம்பர் மாதத்தில், ஷியோமி மாவட்டத்தில், இருக்கின்ற ஒரு பள்ளியில் விடுதி வார்டன் 6 சிறுவர்கள் மற்றும் 15 சிறுமிகளை பாலியல் பலாத்காரம் செய்ததாக தெரிவித்து கைது செய்யப்பட்டார் என்பது குறிப்பிடத்தக்கது.
