காலை நடைப்பயிற்சி உடல் ஆரோக்கியத்தை மேம்படுத்தும் எளிய மற்றும் பயனுள்ள பழக்கங்களில் ஒன்றாகும். இது இதயம், மூளை, மூட்டு இயக்கம் மற்றும் உடல் எடை கட்டுப்பாடு போன்ற பல முக்கிய உடல் செயல்பாடுகளை சீராக வைத்திருக்க உதவுகிறது. மேலும், சர்க்கரை நோய், இரத்த அழுத்தம், கொலஸ்ட்ரால் போன்ற நீண்டகால நோய்களின் அபாயத்தையும் குறைக்கிறது.
ஒரு நாள் மட்டும் நடைப்பயிற்சி செய்து பின்னர் இரண்டு அல்லது மூன்று நாட்கள் இடைவெளி விடுவது உடலுக்கு தேவையான தொடர்ச்சியான பயனை வழங்காது. உடற்பயிற்சியின் பலன் கிடைக்க, அதனை தினசரி பழக்கமாக மாற்றுவது மிகவும் முக்கியம். உடலின் உறுப்புகள் சீராக செயல்பட உடற்பயிற்சி மற்றும் நடைப்பயிற்சி மட்டுமல்ல, சமநிலையான உணவுப் பழக்கமும் அவசியம். புரதம், காய்கறிகள், பழங்கள் மற்றும் போதுமான தண்ணீர் உட்கொள்ளுதல் உடலை ஆரோக்கியமாக வைத்திருக்க முக்கிய பங்கு வகிக்கிறது.
உடற்பயிற்சி செய்ய முடியாதவர்கள் கூட தினமும் குறைந்தது 30 நிமிடங்கள் காலை நடைப்பயிற்சியை பழக்கமாக்க வேண்டும். ஒவ்வொரு காலையும் 30 நிமிடங்கள் நடைப்பயிற்சி செய்வது உடல் மற்றும் மன ஆரோக்கியத்துக்கு மிகப் பெரிய நன்மைகளை வழங்குகிறது. இது ஒரு குறிப்பிட்ட உறுப்புக்கு மட்டும் அல்லாமல், முழு உடலின் செயல்பாடுகளையும் சீராக வைத்திருக்க உதவுகிறது.
தினமும் 30 நிமிடம் நடப்பதால் கிடைக்கும் நன்மைகள்:
இதய ஆரோக்கியம்: காலை நடைப்பயிற்சி உடலில் சேரும் கெட்ட கொழுப்பைக் குறைக்க உதவுகிறது. இந்த கெட்ட கொழுப்பு தான் மாரடைப்பு மற்றும் இதய நோய்களுக்கு முக்கிய காரணமாக இருக்கிறது. தொடர்ந்து நடைப்பயிற்சி செய்வதன் மூலம் கொழுப்பு அளவு குறைந்து, இதய நோய் ஏற்படும் அபாயமும் குறைகிறது. இதனால் இதயம் ஆரோக்கியமாக செயல்படுகிறது.
இரத்த அழுத்தக் கட்டுப்பாடு: தினமும் 30 நிமிடங்கள் நடப்பது உயர் இரத்த அழுத்தத்தை கட்டுப்படுத்த உதவுகிறது. இதனால்தான் உயர் இரத்த அழுத்தம் கொண்டவர்கள் தினசரி நடைப்பயிற்சி செய்ய வேண்டும் என்று சுகாதார நிபுணர்கள் பரிந்துரைக்கின்றனர்.
உடல் எடை குறைப்பு: நடைப்பயிற்சி கலோரிகளை எரிக்க உதவுகிறது. தினமும் 30 நிமிடங்கள் நடப்பதன் மூலம் உடல் எடை அதிகரிப்பை கட்டுப்படுத்த முடியும் மற்றும் மெதுவாக உடல் எடையையும் குறைக்கலாம்.
நீரிழிவு கட்டுப்பாடு: நீரிழிவு நோயாளிகளுக்கு நடைப்பயிற்சி மிகவும் பயனுள்ளதாகும். தினமும் காலையில் 30 நிமிடங்கள் நடப்பதால் இரத்த சர்க்கரை அளவு கட்டுப்பாட்டில் இருக்கும். இதனுடன் சரியான உணவுப் பழக்கத்தை பின்பற்றுவது மேலும் நன்மை தரும்.
மூட்டு வலி நிவாரணம்: மூட்டு வலியால் அவதிப்படுபவர்களுக்கு நடைப்பயிற்சி மிகவும் உதவியாக இருக்கும். தினசரி நடைப்பயிற்சி தசைகளை வலுப்படுத்தி, மூட்டு வலியை குறைத்து நிவாரணம் அளிக்கிறது.
